فِينــي لِك مَليُون جِنِّــي كِلّهُم والله يَبونك

بعد المحبه علامك مانت طايقني؟
واناعلى خبرك أشواقي هي أشواقي...

آسلوبك اليوم يقتلني ويحرقني...
سؤال؟ابسألك وين أسلوبك الرااقي..

حتى كلامك معي بالحيل مقلقني...
والشك في داخلي ماعاد ينطااقي..

أن كان قصدك تقول أرحل وفارقني..
برحل ولكن مصير الحي يتلاقي....

وأن كان قصدك تغلا او أنت عاشقني؟؟
آبشررك ماتغير شي بعمااااااقي..

وأن كنت تمزح؟أمانه معك رووقني..
تراي مكسوور خاطر وانكسر ساقي..

بس بصراحه من الآخر,وصدقني..
صدمتني واستراحت هقوة الهاقي...

ياليتك تحس بحساس(ن) حيل مضايقني..
وياليت تقرى كلام(ن) داخل أحداقي....

حلمك منول!في هالدنيا تحققني....
واليوم في بحر غدرك ناوي اغراقي..

والحظ الأقشر يوم أنه فيك علقني...
خلاني دايم على شوفتك مشتاقي...

علمتني كيف (أحبك) لاتوهقني...
علمني كيف(أنسى) ولاتستكثر البااقي...

لا تنصدم ماعـدت شـي بحياتـي
كلك على بعضك كرهتـك وعفتـك

مابيك لـو انـه وجـودك غناتـي
حذفت انا اسمك من سجلي وحذفتك

صارت حياتي معك تشبـه مماتـي
مافيك حاجـه طيّبـه لا وصفتـك

عمر الخطا ماكان نـوع بصفاتـي
حتى مشيت العـام دربـك وشفتـك

انا غلطـت بحـق نفسـي وذاتـي
غلطه بدت من يوم جبتك وضفتـك

داخل خفـوقٍ حـط حبـك مناتـي
كبرك في عيني وجيـت وعرفتـك

وصرت القريب اللي شتاته شتاتي
جرفتني كلـي وكلـك جرفتـك

لكن خساره منـت كفـوْ لسواتـي
اللي حصـل بيّـن رداك وكشفتـك

تدري بصراحه ايش غلطة حياتـي
انـي نزلـت لمستـواك وعرفتـك

ادْري وَالله يَـاحبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك

ومِن يُقول آنا أحِبـك وقلبي عايش لِك يصون
آنـا مثلك ياحَبيبـي مِن وَرى عِينك أَخونك

هَـان قلبـي في عُيونِك وهَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لايَعلمون
يَعنِي فاهِم يَعنِي عَارف وإنت َضايع وسط كونك

كيف أحبك؟ ليه أحبك؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُورعَاشِـق.. ولا تِقول إنِّك حنون
إنت َقاسِـي إنت َناسِـي إسأل اللِّـي يعرفونك

أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بـ الكِـذِب هُمـ يعشقونك

لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك

والله باكِر مايفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك

والمصيبه بَعَد مُوتِك بـ الكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك

هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنته يخُون

السلام عليكم ورحمة الله وبركاته
اللهم صلي على محمد وآل محمد وعجل فرجهم والعن اعدائهم ياكريم

||
[::]
||

الحلا كله
ابدعتِ غاليتي في الطرح والاختيار
سلمتِ على طرح لمثل هذا الموضوع
لاعدمناك من هذة المشاركات
وننتظر جديدك
لك خالص احترامي

||
[::]
||
همسات

الحلا كله

رائع ماطرحتيه
يعطيك الف عاافيه ياارب

ننتظر الجدرد دووما